Работеле, а плата не добиле. 7.565 граѓани не добиле плата во месец февруари, во март пак 11.612 вработени не добиле плата. Ова го покажуваат податоците од Управата за јавни приходи кои денеска на брифинг со новинари ги соопшти директорката Сања Лукаревска.
М-ПИН пријави – февруари 2023
Вкупно работодавачи: 69.059
Вкупно вработени: 554.237
Работодавачи кои платиле пресметка: 46.584
Работодавачи кои не платиле пресметка: 2.403
Работодавачи кои не поднеле пресметка: 5.136
Вработени кои не добиле плати: 7.565
М-ПИН пријави – март 2023
Вкупно работодавачи: 69.056
Вкупно вработени: 555.161
Работодавачи кои платиле пресметка: 56.073
Работодавачи кои не платиле пресметка: 7.367
Работодавачи кои не поднеле пресметка: 5.716
Вработени кои не добиле плати: 11.612
На брифингот беше споделено и дека од 30 извршени контроли кај даночни обврзници на Бит Пазар, дури кај 28 биле констатирани неправилности од неиздавање на фискална сметка, неуредно водење на книги или немање на резервен фискален апарат. Од вкупно 13 контроли, кај 4 поликлиники во Скопје, утврдени се неправилности поради неиздавање на фискална сметка.
Соопштено беше дека блокирана е и сметката на акционерското друштво во државна сопственост за одржување на системите за наводнување „Водостопанство“ поради неисплатени плати. Должи 70 милиони денари.
УЈП во изминатиот период извршило контроли кај 33 златари во Скопје, Тетово, Гостивар, Кичево и Битола при што утврдено биле дека 18 од нив воопшто не издавале фискална сметка, прикажувале нула промет или разлики меѓу вредноста и фискалната и до 200 илјади денари.
Контроли се вршел и кај т.н ризични даночни обврзници, а тука спаѓаат управители на 18 или 19 години, во сектор градежништво, како и директори на компании со странски капитал.