За прв пат во историјата македонски претставник во Ревизорскиот борд на НАТО

Главниот државен ревизор, Максим Ацевски во емисијата „Бизнис21“ на ТВ21 истакна дека за прв пат во историјата, Македонија добива свој претставник во Ревизорскиот борд на НАТО.

Според него, ова е значаен чекор што ја потврдува растечката улога на земјата во рамките на меѓународните институции и воено-политичкиот сојуз.

„Во мај месец добивме известување дека еден наш вработен е избран во бордот на НАТО. За прв пат во историјата македонски претставник во Ревизорскиот борд на НАТО“, вели Ацевски.