АКО често патите од воспаленија, важно е да исфрлите одредени пијалоци кои повеќето од нас ги консумираат од вашето мени, тврдат диететичарите и фитнес експертите Сара Четфилд и Дејна Елис Ханес. Многумина од нас пијат пијалоци кои предизвикуваат воспаление, надуеност, грчеви, зголемување на телесната тежина и варење. Кои се тие, ви откриваме во продолжение.
Газирани пијалоци
Ако често пиете газирани и засладени пијалоци, можеби ќе ви биде тешко да се ослободите од нив. Затоа Хунес предлага за почеток да ги замените со комбуха, бидејќи тоа е антиинфламаторна опција богата со пробиотици.
„Проботиците и антиоксидансите во комбухата помагаат во промовирање на дигестивното здравје. Исто така се смета дека комбухата може да го забави варењето на јаглехидратите, веројатно поради антиинфламаторните ефекти што ги има на дигестивниот тракт“, рече таа.
Енергетски пијалоци
Добро е познато дека енергетските пијалоци содржат стимулативни соединенија, како и додаден шеќер и бои кои можат да бидат штетни за нашето здравје. Овие вештачки соединенија можат да бидат виновници за хронично воспаление.
„Енергетските пијалоци содржат преработени шеќери и вештачки засладувачи кои го зголемуваат ризикот од воспаление и го одложуваат процесот на слабеење. Доколку ви треба доза кофеин, подобра опција е обичното црно кафе без калории или цеден овошен сок“, посочува Хунес.
Шеќерен чај
На крајот на краиштата, слаткиот чај е вкусно уживање ако се пие од време на време, но треба да се избегнува секојдневно. Четфилд нагласува дека пиењето чаеви со шеќер може да предизвика зголемување на телесната тежина.
„Ваквите пијалоци се најопасни затоа што не ги сметаме за калорични, како што се. Ова може да доведе до поголем внес на калории и промени во метаболизмот на мастите. Наместо засладен чај, пијте незасладен чај“, предложи таа.