Ова е објектот што ќе се трансформира во објект на Универзитетот „Мајка Тереза“ во Скопје.
И во овие простории, кои ќе бидат адаптирани, ќе се одвиваат предавањата.
По посетата внатре во објектот и однадвор, лидерот и претставниците на ДУИ, заедно со ректорот на Универзитетот и професорите, одблиску ја видоа руинираната зграда која исто така ќе биде во функција на овој универзитет. Зеќири му објасни на Ахмети каде е најсоодветно да биде влезот.
„Тој пат горе е на армијата и е голем проблем, бидејќи немаме пристап, да се направи пат подолу не изгледа убаво. Ова значи, можете да видите каде поминуваат автомобилите, дури и од амбасадата доаѓаат од таму…“
Завршниот проект за реновирање на еден од објектите на касарната „Илинден“ треба да заврши во јануари. Потоа ќе започнат работите.
„Дозволата за реконструкција ја добивме во мај, во ноември почнавме да работиме на елиминација на зградите кои се разрушени и за ова сакам да се заблагодарам, голема благодарност до сите што придонесовте да се изгради нашиот дом, почнувајќи од вас г. Ахмети, од секој министер, заменик министер, пратеник“, вели Изет Зеќири.
За квалитетот на оваа образовна институција зборуваше министерот за образование, Јетон Шаќири.
„УМТ покажа дека со студиски програми, со 5 факултети, 40 студиски програми, многу договори за соработка, бидејќи од страна на академиците е формиран како важен Универзитет овде во земјава и пошироко. Важен е бидејќи студентите на УМТ денес се дел од разни европски универзитетски програми и пошироко преку договорите за соработка кои ги има универзитетот Мајка Тереза“, додаде Јетон Шаќири.
Пред присутните се обрати и претседателот на ДУИ, Ахмети, кој накратко зборуваше за важноста од изградбата на овој објект.
„Како денес така и пред 21 година некому да речев дека јас ќе бидам овде заедно со вас и вие со мене овде, немаше да поверува воопшто. Благодарам, со тоа ќе завршам, нека зборува Универзитетот, каде што ќе застанам јас, нека продолжи Универзитетот“, вели Али Ахмети.
Универзитетот е основан во декември 2015 година, додека во 2016 година беше кажано дека земјиштето во касарната Илинден е доделено да биде во служба на овој универзитет.
Според проектот, работите треба да завршат до април 2023 година.