Рускиот аеродром „Пулково“ во Санкт Петербург привремено ги запре слетувањата и полетувањата во саботата за да се осигура безбедноста на цивилните авиони, соопшти руската воздухопловна управа Росавијација.
Не е јасно која е причината за одлуката за привремено прекинување на авиосообраќајот, но руските аеродроми претходно беа затворени поради заканата од напади со украински беспилотни летала на нивна територија.
Александар Дрозденко, гувернер на регионот во кој се наоѓа градот Санкт Петербург, изјави дека руските сили собориле два дрона во Финскиот залив.
„Аеродромот привремено не прима ниту испраќа летови“, напиша претставник на Росавијација на Телеграм.