Украинскиот претседател Володимир Зеленски изјави дека тврдењето за напад врз резиденцијата на Путин е лага, додавајќи дека Москва подготвува терен за напад врз владини згради во Киев, објави „Гардијан“.
Украинскиот лидер го предупреди својот народ да биде внимателен на нови напади, велејќи дека тоа е „уште една лага“ од страна на Русија за да ги оправда новите напади врз Киев.
„Тие едноставно подготвуваат терен за напад , веројатно врз главниот град и веројатно врз владини згради “, им рече Зеленски на новинарите.
„Сега сите мора да бидат внимателни, апсолутно сите. Може да се изврши удар врз главниот град, особено затоа што таа личност (Путин)… рече дека ќе ги избере соодветните цели.“
Да потсетиме дека рускиот министер за надворешни работи Сергеј Лавров изјави дека резиденцијата на Путин во Новгородската област била нападната со 91 беспилотно летало, кои руските системи за воздушна одбрана успеале да ги уништат.
Лавров ги обвини властите во Киев за нападот и рече дека Русија ќе ја преиспита својата преговарачка позиција.