Најмалку 14 деца загинаа кога се урна покривот на наставен центар во изградба во источниот пакистански град Лахор, соопштија полицијата и спасувачките екипи.
Уште осум деца се повредени и однесени во болница. Сопственикот на наставниот центар и уште едно лице се уапсени.
Полицијата соопшти дека спасувачите сè уште ги пребаруваат урнатините откако добиле информации дека уште деца може да бидат заробени под урнатините. Центарот се наоѓал во стара зграда, а покривот на недовршениот втор кат се урна очигледно поради лоша градба.
Уривањето на згради е честа појава во Пакистан, каде што градежните стандарди често се лабави. Многу згради се градат со нестандардни материјали, а безбедносните прописи често се игнорираат за да се намалат трошоците.