Украинскиот претседател Володимир Зеленски изјави денеска дека руските услови за прекин на огнот покажуваат дека земјата сака војната да продолжи.
Зеленски на платформата Х рече дека обидите на Русија да постави услови за 30-дневен прекин на огнот во војната во Украина само „го комплицираат и го одложуваат процесот“.
– Русија е единствената страна која сака војната да продолжи и дипломатските напори да се прекинат – рече Зеленски по телефонскиот разговор со државниот секретар на Ватикан, кардиналот Пјетро Паролин, пренесе Ројтерс.