47 лица загинаа, а 115 се повредени во пожар што избувна на новогодишната ноќ во бар во познатиот скијачки центар Кран-Монтана во југозападна Швајцарија.
Пожарот во барот „Ле Констелејшн“ избувнал во 1:30 часот наутро. Властите потврдија дека во барот имало луѓе од различни националности. Главниот регионален обвинител истакна дека властите го третираат случајот како пожар и дека е исклучена можноста за напад.
Италијанското Министерство за надворешни работи објави дека 16 италијански државјани се водат како исчезнати, а меѓу 12 и 15 се згрижени во болница. Девет француски државјани се повредени, а осум се уште се водат како исчезнати.
Првата жртва на пожарот е идентификувана како 17-годишниот италијански голфер Емануеле Галепини.
Неговото име го објави Италијанската голф федерација, која соопшти дека жали за смртта на „млад спортист кој отелотворуваше страст и вистински вредности“.
„Во ова време на голема тага, нашите мисли се со неговото семејство и сите што го сакаа“, соопшти федерацијата.
La Federazione Italiana Golf piange la scomparsa di Emanuele Galeppini, giovane atleta che portava con sé passione e valori autentici. In questo momento di grande dolore, il nostro pensiero va alla sua famiglia e a tutti coloro che gli hanno voluto bene.
— Fed.Italiana Golf (@FederGolf) January 1, 2026
Emanuele, rimarrai per… pic.twitter.com/zFPW2Amcoi