Патнички автобус со околу 50 до 60 лица излета од автопат во близина на Лакнау, во северна Индија, се преврте и заврши во канал покрај патот.
Автобусот сообраќал од Раџастан кон Бихар, а голем дел од патниците патувале кон своите домови за да ги прослават празнувањата по повод Чхат.
Индиските медиуми јавуваат дека во несреќата загинале од едно до три лица, а десетици се повредени, меѓу кои има и лица со тешки повреди.
На местото на несреќата, на автопатот Агра–Лакнау, веднаш пристигнале полициски и противпожарни екипи, како и спасувачки тимови на Државните сили за одговор при катастрофи (SDRF). Спасувачите морале да го сечат остатоците од автобусот за да ги извлечат заглавените патници.
Некои од патниците како можни причини за несреќата ги посочиле пукањето на гума или евентуалната алкохолизираност на возачот. Надлежните засега не потврдиле што точно довело до излетувањето на автобусот.