20 илјади евра казна за испуштање мазут во Вардар. Ова е највисоката казна изречена во последно време од Инспекторатот за животна средина. Според последниот извештај на Инспекторатот, најниската казна за загадување е 3 илјади евра.
Петровска вели дека казните зависат од видот на сторените прекршоци. Во првите 6 месеци од 2021 година, поведени се вкупно 43 прекршочни постапки, од кои 36 се парични казни, како и две кривични пријави.
Според презентираниот извештај, во периодот јануари-јуни 2021 година, реализирани се 1.132 инспекциски надзори наместо планираните 866 инспекциски надзори. Петровска додава дека и покрај недостатокот на услови за работа и инспектори на терен, ефикасноста на Државниот инспекторат за животна средина е зголемена. Од вкупно 19 инспектори, 3 не извршиле инспекциски надзори бидејќи еден инспектор е на неплатено отсуство, еден инспектор е суспендиран заради сомнеж за поткуп и еден инспектор од е боледување.