Крешник Бектеши, министерот за економија во “10МИНУТИ“ на ТВ21 рече дека во третиот пакет на економски мерки предвидува 200 милиони евра.
Како тоа ќе изгледа, објасни министерот:
„Убеден сум дека ќе надминеме 200 милиони евра во Третиот пакет на Владата за економска помош“, најави Бектеши.
Тој рече дека треба да се има во предвид и фискалните можности после ребалансот на буџетот кој се очекува во следните денови.
Бектеши истакна дека овој пакет би требало да биде презентиран на почетокот на идната недела, а претходно се консултираат и со Стопанските комори, синдикатите и Економскиот совет кој е формиран токму за справување со можните ризици во економијата како последица од коронакризата.