Десетици луѓе се казнети со парични казни високи до 3.000 евра поради земање на бел песок и школки од плажите на убавиот италијански остров Сардинија.
Според италијанските власти, 41 лице е обвинето за кражба на околу 100 килограми песок и школки од плажите, пренесува Би-Би-Си.
Познатиот бел песок од Сардинија е високо ценет на островот и е забрането да се зема, додека пак продажбата на овој песок и школки е нелегална од 2017 година.
Туристите, претежно Европејци, но и Италијанците, продаваат бел песок во шишиња преку Интернет како сувенир.
Во истрагата се вклучени армијата и царинската полиција. Тамошната полиција само оваа година собрала казни од 13.000 евра. Запленетите предмети се вратени на плажите.