САД и Данска објавија дека постигнале договор за безбедноста на Гренланд, со што е решен дипломатскиот спор предизвикан од заканите на американскиот претседател Доналд Трамп дека ќе ја преземе територијата со сила.
Трамп изјави дека договорот ќе им овозможи на САД „трајна контрола врз безбедноста и сите други потреби“.
Данската премиерка изјави дека договорот „ја зајакнува безбедноста на Арктикот и северноатлантскиот регион“, а „истовремено го признава суверенитетот и територијалниот интегритет на Кралството и правото на народот на Гренланд на самоопределување“.
Во објава на Truth Social, Трамп рече дека договорот е постигнат „без трошоци за Соединетите Американски Држави“ и дека на САД ќе им ја даде можноста „да го направат она што е неопходно“ за „да ја обезбедат и заштитат безбедноста на Гренланд“.
Тој рече дека договорот вклучува правило според кое ниту еден противник на САД не смее да има воено присуство на Гренланд или „да прави значителни инвестиции во Гренланд без изречно писмено одобрение“.
Договорот следува по повеќемесечните закани на Трамп дека ќе го „преземе“ Гренланд, кој е полуаавтономна данска територија, поради загриженоста за националната безбедност, при што тој ја истакнува неговата стратешка местоположба за одбранбени цели и неговото минерално богатство.
Договорот треба да биде потпишан на Генералното собрание на Обединетите нации следната недела.