Пописот 2021 покажа дека во Северна Македонија има вкупно 29,5% Албанците, од кои 24,3% живеат во земјава, а останатиот дел во дијаспора. Но, заменикот-директор на Државниот завод за статистика, Иљми Селами во „Клик Плус“ изјави дека заедно со граѓаните кои не се попишани, Албанците достигнуваат до 31%.
-Реалноста е дека во Македонија има над 31% Албанци, вели Селами.
Вкупно 132.260 граѓани не се попишани, но фигурираат како бројка земена од административни извори. Се знае нивното место на живеење, возраста и полот, но не и етничката и верската припадност, бидејќи не се изјасниле самите. Според Селами ,со бројката може да се калкулира приближно:
-Јас направив свои симулации. Можам да кажам бројки, од 132 илјади колку се Македонци, колку Албанци….. но, тоа е како што би рекол народот „по мое“, вели Селами.
ТВ21: И „по твое“ колку се од тие 132 илјади?
-Не би сакал…Само ќе речам дека 132 илјади го отсликува моменталниот процент на резиденти. На пример, ако 54% се Македонци, 54% од овие 132 илјади се Македонци, ако 30% се Албанци, 30% од овие 132 илјади се Албанци. Доколку се вметнат и овие податоци и се одреди етничката припадност, јазикот и др… ќе излезе дека Албанците се над 31%, рече Селами.
132.260 жители се околу 40 домаќинства кои кога попишувачите им тропнале на врата или не биле дома или не ја отворале вратата, објаснува заменикот-директор на ДЗС, Селами. Најмногу непопишани има во Скопје, Куманово, Струмица, Чаир, Карпош, Аеродром, Битола, Кисела Вода, Гази Баба, Центар и др…
ЛИЦА ЗА КОИ ПОДАТОЦИ СЕ ЗЕМЕНИ ОД АДМИНИСТРАТИВНИ ИЗВОРИ
Скопје – 44,175
Куманово – 7616
Струмица – 6480
Чаир – 6226
Карпош – 5348
Аеродром -5248
Битола – 5505
Кисела Вода- 5439
Гази Баба – 5002
Општина Центар – 5013
Прилеп – 4959
Шуто Оризаре- 4485
Тетово – 4368
Штип – 4385
Охрид – 4228
Велес – 4718
Струга – 3530
Гостивар – 3409
Бутел – 2653
Кавадарци – 2428
Радовиш – 2431
Кичево – 2405
На Пописот што се спроведе минатата година, освен 132.260 граѓани кои што се административно попишани, има и 17.990 кои не спомнале етничка припадност, 450 одбиле да се изјаснат, а 472 се регистрирани во графата „непознато“.