„Пациентот кој на 33-gодишна возраст почина поради компликации со коронавирусот во ГОБ „8 Септември“, бил со прекумерна телесна тежина, а вирусот направил тешка билатерална пневмонија“, велат од Министерството за здравство за телевизија Сител.
Имено, тој бил хоспитализиран на почетокот на месецот, а во болница се лекувал две недели. Од самиот прием бил со ниска сатурација и цело време на неинванзивна механичка вентилација.
„Покрај сета друга терапија, пациентот примил и конвалесцентна плазма и озон, но и покрај сите напори на лекарите да му го спасат животот, тој вчеравечер починал“, истакнале од Министерството.
Инаку, 33-годишниот пациент е еден од починатите 29 лица што се наоѓаат во денешната статистика од Министерството за здравство.