Трагичен настан бил пријавен во Штип во раните утрински часови на 7 август.
Според информациите од полицијата, во 02:45 часот во СВР Штип било пријавено дека во својот дом бил пронајден починат А.П. (38) од Штип.
На местото на настанот пристигнала екипа на Итната медицинска помош, а лекар констатирал смрт кај 38-годишниот маж. При првичниот преглед не биле забележани видливи траги на насилство.
По пријавувањето на случајот биле преземени соодветни мерки за утврдување на околностите под кои дошло до смртта.
По наредба на јавен обвинител, телото на починатиот било предадено на обдукција. Обдукцијата треба да помогне во утврдувањето на точната причина за смртта.