Министерството за внатрешни работи на Македонија објави дека од 2 до 7 јуни 2026 година спроведува зголемени сообраќајни контроли како дел од европската акција ROADPOL, заедно со 34 други земји.
Контролите се фокусирани на возачи на мотоцикли, мопеди и електрични скутери, со цел да се потврди употребата на заштитна опрема, техничката состојба на возилата, правото на возење и почитувањето на сообраќајните правила.
Министерството за внатрешни работи апелира до сите учесници во сообраќајот да ги почитуваат правилата со цел да се зголеми безбедноста и да се намали бројот на сообраќајни несреќи.
„Активностите на акцијата се ориентирани кон откривање и санкционирање на возачите на двотркални возила, поточно мопеди, мотоцикли и електрични скутери, кои се сметаат меѓу учесниците во сообраќајот со најголем ризик, во однос на употребата на соодветна заштитна опрема, техничката состојба на возилата, правото на возење и одговорното возење со почитување на сообраќајните правила и одредби, со цел зголемување на безбедноста во сообраќајот и намалување на бројот на сообраќајни незгоди“, велат од Министерството за внатрешни работи.