Соединетите Американски Држави го ажурираа своето предупредување за патување во Италија, повикувајќи ги сите потенцијални посетители на земјата да „покажат зголемена будност поради ризикот од тероризам“. „Постои ризик од тероризам во Италија, како што се терористички напади и слични активности“, се наведува на веб-страницата на американскиот Стејт департмент.
Земјата-членка на ЕУ, која се гордее со голем број популарни туристички дестинации како што се Рим, Венеција и Фиренца, сега има предупредување од второ ниво на списокот за патување на Стејт департментот. Листата се состои од четири категории, а четвртата означува препорака да не се патува во одредена земја.
Моментално во Рим има голем број американски туристи.
Веб-страницата на Стејт департментот предупредува дека „терористите можат да нападнат со минимално или без никакво предупредување“. Туристичките места, црквите, аеродромите, хотелите и рестораните се наведуваат како чести цели.
Администрацијата на американскиот претседател Доналд Трамп сè уште не ги наведе причините за новата класификација. Земјите-членки на ЕУ, како што се Германија, Франција и Шпанија, исто така имаат предупредувања од второ ниво. Италија е една од најпопуларните европски дестинации за Американците.
Според најновите статистички податоци, повеќе од 7,5 милиони американски туристи и деловни луѓе ја посетуваат земјата секоја година. Моментално во Рим има голем број американски туристи, привлечени од изборот на новиот папа Лав XIV. Роберт Френсис Превост, роден во Чикаго, е првиот поглавар на Католичката црква од Соединетите Американски Држави.