11 земји членки на Европската Унија побарале од високата претставничка на Унијата, Каја Калас, да го промени начинот на кој се носат одлуките за надворешната политика.
Во моментов, за многу важни прашања потребно е да се согласат сите 27 земји членки на ЕУ. Тоа значи дека една единствена држава може да донесе блокада на одлука на целата Унија, користејќи го правото на вето.
Франција, Германија, Шпанија, Шведска, Романија и уште шест други земји бараат оваа практика да се промени и, во одредени случаи, одлуките да се носат со мнозинство гласови.
Предлогот има за цел Европската Унија да не биде парализирана поради противењето на само една држава, особено кога станува збор за важни прашања од надворешната политика и безбедноста.