Веќе два месеци струмичките актери протестираат за изборот на Васил Бубев за директор на струмичкиот Центар за култура, бидејќи бил професор по физичка култура.
На светскиот ден на театарот, побараа и оставка од министерката за култура Ирена Стефоска, за која како што велат цели два месеци не реагирала за изборот на директорот, туку се обидувала да го оправда решението кое е донесено, и додаваат дека тоа не оди во прилог на културата и струмичкиот театар.
Денес дел од ансамблот при Народниот театар во Битола, преку објава на Фејзбук, ги подрржаа колегите од Струмица.
Актерот Никола Пројчевски на својот профил напиша:
„Односот кон „НУЦК“ Антон Панов“ – Струмица е веројатно односот кон останатите… СТРУМИЧКИОТ ТЕАТАР ја има нашата ПОДДРШКА! Култура или Фис-култура? Ние избираме- КУЛТУРА!“
Министерството за култура остана на ставот дека единствено Васил Бубев ги исполнил правно формалните услови по распишаниот конкурс за директор на НУЦК „Антон Панов“.