Бројот на жители на земјата надмина осум милијарди

Според Википедија, околу четири лица се раѓаат, а околу две умираат секоја секунда. Така, секоја секунда бројот на жители на Земјата се зголемува за нешто повеќе од две лица. Се очекува бројот на жители на Земјата да надмине осум милијарди, а до крајот на векот повеќе од десет.

Целосно е невозможно точно да се измери бројот на сите живи луѓе на Земјата, бидејќи луѓето се раѓаат и умираат во секој момент, пренесува N1 Загреб.

Американското биро за попис процени дека во деновите околу Новата година ја преминавме бројката од осум милијарди, поточно, според нивните проекции, во светот на Нова година има 8.019.876.189 луѓе, што е нешто повеќе од 75 милиони отколку на првиот ден од минатата година.

Други проекции предвидуваат слично.

Според податоците на Обединетите нации (ОН), на крајот на 2023 година на Земјата имало повеќе од осум милијарди луѓе, поточно 8.045.311.447, а на крајот на следната година тој број ќе достигне повеќе од 8.118.000.000.

Проекцијата на ОН, исто така, предвидува дека растот на населението постепено ќе се забави и ќе престане во 2086 година. Сепак, бројот на живи луѓе дотогаш ќе се зголеми на речиси 10,5 милијарди луѓе.

На крајот на 2100 година, според оваа проекција, на Земјата треба да има 10.349.323.038 луѓе.