Жителите на Општина Брвеница утре ќе гласаат за нов градоначалник на предвремените локални избори, кои се одржуваат поради смртта поранешниот градоначалник Јовица Илиевски во јуни годинава. Функцијата вршител на должноста градоначалник во изминатите месеци ја извршуваше Роберт Милошески.
Според податоците на Државната изборна комисија (ДИК), денеска ќе гласаат 88 болни и изнемоштени лица. Во трката за градоначалник на Општина Брвеница учествуваат шест кандидати, кои претставуваат четири политички блока, како и двајца независни кандидати.
Избирачките места утре ќе бидат отворени во 7 часот, а гласањето ќе трае до 19 часот. Во Избирачкиот список, во десетте населени места во Општина Брвеница, се регистрирани вкупно 16.256 гласачи. Од нив, 449 привремено работат во странство, додека девет гласачи се наоѓаат во затвор или во притвор.