Воената хунта на Буркина Фасо ги распушти сите политички партии и ја укина законската рамка што ги регулира нивните активности, со декрет одобрен од министерскиот совет на оваа западноафриканска земја.
Министерот за внатрешни работи на Буркина Фасо, Емил Зербо, нагласи дека одлуката е дел од поширок напор за „обнова на државата“ по наводните широко распространети злоупотреби и дисфункција во повеќепартискиот систем на земјата.
Зербо рече дека владина ревизија открила дека ширењето на политичките партии поттикнало поделби и ослабнало општествена кохезија. Со декретот се распуштени сите политички партии и политички формации, а целиот нивен имот сега ќе биде префрлен во државна сопственост.
Пред воениот удар, земјата имаше повеќе од 100 регистрирани политички партии, од кои 15 беа претставени во парламентот по општите избори во 2020 година.
Буркина Фасо е предводена од капетанот Ибрахим Траоре, кој ја презеде власта со државен удар во септември 2022 година, осум месеци откако воениот офицер Пол-Анри Сандаого Дамиба го собори и демократски избраниот претседател Рош Марк Каборе со воен удар.
Буркина Фасо ги здружи силите со соседните Мали и Нигер, исто така управувани од воени влади, за да го формираат Сојузот на државите од Сахел (AES) во обид да ја зајакнат економската и воената соработка.