Чедо Радомировиќ почина во болница откако повреден беше најден кај село Орман

Во болница починал Чедо Радомировиќ, познат уште како Чедо Радо, дознава ТВ21. Како што ексклузивно веќе објавивме, тој со повреди беше пронајден кај селото Орман.

Околу 19 часот во село Орман во близина на маганиците на МВР до паркирано возило марка „Лексус“ бил пронајден познатиот бизнисмен со нанесена повредна во пределот на главата.

До него бил пронајден пиштол и чаура.

Радомировиќ давал знаци на живот и со возило на Брза помош бил префрлен на скопските клиники, каде подоцна им подлегнал на повредите.

На лице место се уште се врши увид од страна на екипи.

Во 2005 година тој беше уапсен поради вмешаност во пирамида, во друштво на десет даночни затајувачи. Овој бизнисмен своевремено беше познат по тоа што беше прилично близок со ВМРО-ДПМНЕ. Беше поранешен газда на Радо банка, а од 2003 година оваа банка беше купена од контроверзниот бизнисмен Јовица Стефановиќ-Нини. Но, ни тој не успеа да ја спаси банката која од беше доведена во лоша состојба, па мораше да биде турната во стечај и ликвидација. Во сопственост на Радомировиќ беше и градежната фирма Македонија инвест.