„Четвртиот пакет мерки е обид за дефокусирање – мафијата побогата, народот посиромашен“, рече Мицкоски

ПОСЛЕДНИ ВЕСТИ

За опозициската ВМРО-ДПМНЕ новиот четврт по ред пакет мерки за справување со последниците од коронавирусот се само дефокусирање, а со тоа мафијата како што вели Мицкоски ќе стане побогата, а народот посиромашен.

Додека премиерот Заев од владината говорница се уште одговара на новинарски прашања, на прес конференција се појави лидерот на ВМРО-ДПМНЕ, Христијан Мицкоски.

„Не само што се задоцнети овие мерки, туку истото ќе ја продлабочи и онака тешката состојба во државата. Кога веќе се прави ова, требаше да се види искуството од претходните три пакет мерки“, рече Мицкоски.

Мицкоски потенцираше дека резултатите од погрешните политики од владата предводена од СДСМ се историскиот пад на индустриското производство.