МНОГУ луѓе често посегнуваат по храна кога не се навистина гладни, туку само жедни, а не се ни свесни за тоа. Имено, тие чувствуваат дека нешто им недостасува во телото, но не знаат што точно. Научниците потврдуваат дека сигналите за глад и жед потекнуваат од истата област во мозокот, па не е чудно што понекогаш ги мешаме.
„Ако се чувствувате ирационално, фрустрирано и лесно се иритирате, има добри шанси да сте гладни или, во најмала рака, брзо да согорите шеќер. Многу луѓе со кои сум работел стануваат гладни и раздразливи кога не јаделе неколку часа. Покрај тоа, тие често ми опишуваат и други несакани ефекти како што се замор, ненаситна желба и вртоглавица“, објаснува лекарот од функционална медицина Вил Кол.
Тој советува да вклучиме здрави масти во нашата исхрана со цел да му дадеме на телото повеќе гориво што му е потребно за нормално функционирање. Недостатокот на енергија е уште еден знак за глад.
Што велат другите?
„Ако помина долго време откако последен пат сте јаделе, големи се шансите дека ќе доживеете значителен пад на енергијата. Вака телото ви сигнализира да јадете нешто, особено ако добро сте спиеле и одеднаш сте многу уморни. Со сегашната популарност на наизменичното постење и прескокнување оброци, откривам дека луѓето обично избираат да ги игнорираат знаците на глад иако ги имаат сите симптоми. Ако чувствувате вртоглавица, немате енергија или не можете да се концентрирате, можеби навистина ви треба храна“, советува нутриционистот Џинџер Хултин.
Кога станува збор за препознавање на симптомите на жед, една од најчестите е главоболката, но често се појавува со глад, па затоа треба да бидете свесни што би можело да биде. Ако, на пример, знаете дека сте јаделе доволно, но ве боли главоболка, можно е на телото да му недостасуваат течности или обратно.
„Всушност е многу вообичаено да имате главоболка кога на вашето тело му треба вода. Имено, кога сме дехидрирани, тогаш волуменот во внатрешноста на крвните садови е помал, а протокот на крв е отежнат, што предизвикува чувство на вртоглавица и главоболка“, објаснува неврологот Илене Рухој.
Па, како да знаете дали сте гладни или жедни?
„Кога станува збор за главоболка предизвикана од глад, нискиот шеќер во крвта може да значи дека мозокот не ја добива потребната енергија од храната. Овој тип на главоболка може да биде придружен со други несакани ефекти, како што се гадење или вртоглавица. Исто така, важно е да се има на ум дека ако штотуку сте изеле оброк богат со јаглехидрати, може да почувствувате скок на шеќерот во крвта, што може да предизвика главоболка“, додаде таа.
Следниот пат кога ќе почувствувате дека сте гладни, тестирајте се. Испијте голема чаша вода и почекајте околу 15 минути. Погледнете што се случува. Ако сè уште се чувствувате гладни, можеби сте навистина гладни. Ако сте само жедни, чувството на глад треба да исчезне по чаша вода, тврдат експертите.