Пред неговото официјално доаѓање на претседателската функција на САД, Доналд Трамп неколку пати најави дека планира да го презеде Гренланд од Данска, и дека има идеја таму да распише референдум.
Ова наиде на жестоки критики особено во Европа, а најжесток беше данскиот европарламентарец Андерс Вистисен.
„Почитуван претседателе, слушајте внимателно. Гренланд е дел од Данското кралство 800 години. Тој е интегриран дел од нашата земја. Не е на продажба. Ќе ви кажам со зборови кои може да ги разберете. Господине Трамп, од**ете“, рече Вистисен.
Greenland is not for sale. Greenland has been part of Denmark for 800 years, more then double of the time the US has existed.
Any true patriot should understand that this is an uacceptable attack on national sovereignty! pic.twitter.com/SlHbR5OGjg
— Anders Vistisen (@AndersVistisen) January 21, 2025
Реагираше потпретседателот на Европскиот парламент на овој говор.
„Терминот што го употребивте не е дозволен во овој дом и ќе има последици. Тоа не е во ред во овој дом на демократијата. Без разлика што мислиме за господинот Трамп, не е возможно да се користи таков речник“, рече Николае Стефануа на говорот на Вистисен.