Македонскиот маратонец Дарио Ивановски го освои 46. место на маратонот во рамки на Европското првенство во Бирмингем. Ивановски ја мина маратонската патека со време од 2:22:39 часа, со заостанување од 13 минути и 28 секунди зад победникот Аманал Петрос од Германија.
Ивановски имаше добар старт на трката и во почетната фаза се движеше во средината од групата. Сепак, меѓу 15. и 20. километар се соочи со криза, поради што загуби околу 20 позиции.
И покрај падот во пласманот, македонскиот маратонец успеа да го врати ритамот и во продолжението на трката да го подобри својот пласман. На половина од маратонската патека, односно по истрчани 21,1 километар, Ивановски имаше време од 1:09:28 часа.
Маратонот го завршија 52 натпреварувачи, додека седум маратонци се откажаа од трката, а еден не стартуваше.