Европскиот парламент одобри важен чекор кон создавање на дигиталното евро, отворајќи го патот за финалните преговори со земјите-членки на Европската Унија.
Одлуката не претставува конечно одобрување на проектот, но се смета за значителен напредок во законодавниот процес кој има за цел создавање на дигитална верзија на еврото.
Според усвоениот нацрт, една од главните приоритети останува заштитата на приватноста на граѓаните. Се предвидува трансакциите да не бидат директно поврзани со идентитетот на корисниците од страна на Европска централна банка и националните централни банки.
Исто така, пред дигиталното евро да биде пуштено во употреба, ќе се спроведат тестирања и проверки на кибернетската безбедност за да се гарантира сигурното функционирање на системот.
Проектот предвидува дигиталното евро да се користи паралелно со готовинските пари и да важи во целата Еврозона, нудејќи им на граѓаните дополнителен начин на плаќање покрај банкнотите и кованите пари.
Следниот чекор е гласање на пленарната седница на Европски парламент, пред започнувањето на финалните преговори со земјите-членки на ЕУ.