Во Србија денеска стапија на сила некои олабавувања на мерките како што се работа на терасите на рестораните. После долго време во Србија, каде имаше „локдаун“ односно беа затворени сите продавници и шопинг центри, освен продавниците за храна, аптеките и бензинските пумпи, од денеска можат да работат рестораните, ама само на отворено.
И надвор има мерки и протоколи кои мора да се почитуваат, како што се по максимум пет лица на маса, и дистанца на секоја од масите најмалку два метри.
Македонија денеска ќе носи нови мерки, кои ќе стапат во сила од утре, односно полицискиот час ќе стартува од 20 часот, а ќе бидат затворени угостителските објекти.
Властите во 14 часот на прес-конференција ќе ги објаснат сите детали, односно дали и на кој начин ќе работат угостителите во следниот период.