Зголемувањето на платите на здравствените работници за 30%, додатоци за инфекции 4%, коригирање на колективниот договор, бенефициран стаж и поголема заштита на вработените, се барањата на Конфедерацијата на синдикалните организации на Македонија кон властите. До среда имаат рок за да дадат одговор, инаку ќе следат протести.
Лазе Костовски, претседател на Независниот синдикат на геријатрија, рече дека се врши притисок врз нивните членови со цел да не протестираат.
За три недели Конфедерацијата најавува протестен марш на здравствените работници, доколку дотогаш не добијат позитивен одговор за нивните барања.