Голема грешка и грев е зошто Министерството за здравство не почна со вакцинација на населението за сезонски грип. Ова го изјави инфектологот Вељо Марковски на Клик Плус. Тој додава здравствените власти требале досега да ги вакцинираат хронично болните затоа што дека со Ковид 19 нинвата здравствена состојба може да биде влошена.
„Ако помине добро е среќа, но ако имаме епидемија со грип тогаш ќе видите што значи минингити, пнемумонии кога овој процент на овие ризични групи ќе бидат навистина тешки. Сме ги имале овие случаи и умирале. И сега заедно со Ковид и другите ќе биде многу тешко да се најде и место. Така што ова е голема грешка и грев што овие вакцини каснат и не се набавени“, посочи Вељо Марковски.
Од Министерство за здравство велат дека вакцините за сезонскиот грип се очекува да пристигнат кон крајот на месецот, по што веднаш ќе почне процесот на вакцинација. Не објаснуваат зошто се доцни со вакцинацијата.
„Министерството за здравство набави вакцини кои се производ на Sanofi Pasteur, Франција (VAXIGRIP TETRA).
Вкупно се набавени 40.000 дози на четири типни вакцини кои се наменети за бесплатна вакцинација на следните дефинирани ризични групи:
- Стари лица (над 65 години)
- Лица со хронични заболувања
- Здравствени работници
- Бремени жени
- Децата на возраст од 6 месеци до 5 години
Заинтересираните лица ќе можат да ја закажат бесплатната вакцинација преку својот матичен лекар. Со цел избегнување на дополнително оптеретување на епидемиолошките служби при Центрите за јавно здравје, каде досега се спроведуваше вакцинацијата против сезонски грип оваа година има Акциски план кој ќе вклучи дополнителни вакцинални пунктови. На овој начин вакцинацијата ќе биде подостапна за граѓаните. Kомерцијалните вакцини против сезонски грип ги набавуваат Центрите за јавно здравје од сопствен буџет и тие ја одредуваат цената.