Две лица се лишени од слобода за време на два претреси извршени во селото Брњарци, во околината на Скопје.
При претресот во домот на 34-годишниот Д.Ц., полицијата пронашла и одзела марихуана, семки од канабис и дигитална вага со остатоци од марихуана.
Во вториот случај, во домот на 38-годишниот И.Б. биле пронајдени пиштол, 23 куршуми, 20 ловечки патрони, барут, сачми, каписли и алати за обработка и полнење на куршуми.
Претресите биле извршени со судска наредба од страна на Единицата за недозволена трговија при СВР Скопје.
Полицијата информира дека по целосното документирање на случаите, против двете лица ќе бидат поднесени соодветни кривични пријави.