Се појавија информации дека Дуа Липа и Калум Тарнер планираат да стапат во брак следната недела.
Албанската пејачка и актерот ја објавија својата свршувачка минатата година, а иако првично планирале интимна свадбена церемонија, според медиумските извештаи сега подготвуваат луксузна тридневна прослава во Италија.
„Првичниот план беше за интимна свадба, но сега настанот ќе биде голема и луксузна прослава што ќе трае три дена. Тие изнајмиле неколку големи локации за екстравагантниот настан, иако точните детали се чуваат во тајност поради безбедносни причини, бидејќи обожавателите со нетрпение очекуваат да ги видат“, изјавил извор за весникот The Sun.
Според истите информации, на свадбената прослава би можел да настапи и Елтон Џон, со кого Дуа Липа ја сними песната Cold Heart.
Липа и Тарнер официјално ја потврдија свршувачката минатата година, кога за првпат јавно зборуваа за нивната врска во интервју за British Vogue.
„Ја сакам љубовта. Тоа е прекрасна работа. Навистина е инспиративна. Се фаќаш себеси како постојано се вљубуваш толку интензивно на најубав можен начин. Таа ранливост е застрашувачка, но се чувствувам многу среќна што ја доживувам“, изјави претходно Дуа Липа.