Денеска пожарот кој изби во близина на Тиквешкото езеро во Кавадарци, се влоши, па се гасеше со два ер-трактори, и по еден хеликоптер на АРМ и на МВР.
Меѓутоа ЦУК известува дека вечерва биле пријавени уште два нови пожари.
„Градоначалникот на Кавадарци Митко Јанчев пријави два нови пожари кај Камен дол, во близина на Каменоломот Градба промет, гори нискостеблеста шума и трева, вториот помеѓу селата Цирково и Манастирец, со можност за проширување на голем оган. Двата пожари се на 5 и 8 километри од првиот пожар“, вели директорот на ЦУК, Мухамед Али.