Полицијата не го смета вчерашниот напад на шампионската парада на Ливерпул за теротистички чин. Автомобил влета меѓу насобраната толпа, и притоа повреди 27 лица, меѓу кои две се во тешка состојба, меѓу нив и дете.
Првиеден е 53-годишен Британец. До инцидентот дојде на улицата Вотер, недалеку од центарот на градот. Во тој момент, големи толпи навивачи се собираа на улиците со часови, славејќи ја шампионската титула на клубот во Премиерлигата.
27 повредени лица беа однесени во разни болници низ Ливерпул. Уште 20 лица се здобиле со полесни повреди и им е укажана медицинска помош на местото на настанот.
Заменичката-началник на полицијата во Мерсисајд, Џени Симс, ја започна прес-конференцијата велејќи дека нејзините мисли се со повредените во „страшниот инцидент“. Таа им се заблагодари на сите што им помогнаа на повредените.
Таа потврди дека неколку лица се повредени и однесени во болница.
„Се верува дека возилото го управувал 53-годишен маж“, рече таа, додавајќи дека истрагата за околностите што доведоа до инцидентот е во тек и нагласувајќи дека инцидентот не се третира како тероризам.
A car crashed into a crowd in the UK, injuring 27 people
— Ganges Tales (@GangesTales) May 27, 2025
At 6 pm on the 26th, a car crashed into a crowd in the center of Liverpool, UK. The local emergency department said that the accident has injured 27 people, including 2 seriously injured, including a child.#UK #car pic.twitter.com/lQEhaNVqbf