Многу кичевски села останаа со по еден, двајца или тројца жители! Масовната миграција од селата во градот или печалба доведе до празнење на руралните области. Оваа судбина ја делат и Големо и Мало Црско, села на општина Кичево. Некогаш имало повеќе од 250 жители, а денес останал само еден.
Имало училишта, пошта и културен центар, а денес нема дуќани ниту за да се купи леб.
Овие две села се оддалечени 30 километри од градот Кичево. Останаа стари куќи со затворени врати, а само два оџаци чадат, едниот во Големо Црско а другиот во Мало Црско.
Во Големо Црско живее само Мира Мицеска. Во зима живее во град, а во лето престојува тука сама, поради природата и свежиот воздух.
Од друга страна, во Мало Црско живее само Гоце Неделковски со своите сестра и брат. Се занимаваат со сточарство, имаат крави за кои се грижат, но велат дека не им се исплати и планираат да ги продадат и да си заминат. Ако се случи тоа, селото ќе остане без ниту еден жител.
Гоце вели дека немаат откуп ниту за телињата, а млекото не го продаваат бидејќи им го откупуваат за 12 денари и не им се исплати. Тој вели дека немаат ниту инфраструктура бидејќи за 3 жители никој не сака да инвестира.