Според податоците од „Статистичкиот годишник на Република Северна Македонија 2025“ на Државниот завод за статистика, најголемиот дел од македонските домаќинства ја користат класичната грејна опрема.
Над 71% се греат на печки со цврсти горива, додека 20,7% користат струја за греење.
Сопствено парно греење имаат само 5% од семејствата, а централно парно греење користат 2,9%.
Телефонски приклучок имаат 54,5% од семејствата, што дополнително го отсликува традиционалниот начин на живеење во голем дел од домовите.
Овие податоци покажуваат дека македонските домаќинства сè уште се зависни од печките и цврстите горива како основен начин за греење, иако пристапот до струја и водовод е универзален.