Силна експлозија се случила во железарницата во Хамилтон, Канада, утрово според локалното време, во која нема повредени, јавуваат канадските медиуми.
Целиот источен дел на градот е покриен со густ чад.
Полицијата наведува дека експлозијата се случила во делот каде што се наоѓа печката, но дека во зградата во тој момент немало никој.
Фабриката „Арчелор Митал Дофаско“ е голема и експлозијата се случила на најмалку еден километар од станбена зграда, така што никој не бил евакуиран или повреден.
Причината за експлозијата е непозната.