Елена Петрова, поранешен раководител на Секторот за наплата и управување со долгови, денес официјално стана новиот директор на Управата за јавни приходи (УЈП).
Нејзиното именување беше потврдено на владина седница пред два дена, а функцијата ја презеде од Мевљудин Синани, кој привремено ја извршуваше должноста по оставката на претходната директорка Сања Лукаревски.
Петрова, која за време на техничката влада служеше како дополнителен заменик министер за финансии, најави амбициозни планови за модернизација на УЈП.
Таа акцентираше дека ќе работи на дигитализација и трансформација на Управата со цел да се олесни плаќањето на даноците и да се намали административното оптоварување за граѓаните и бизнисите. Петрова изрази уверување дека овие промени ќе придонесат кон значително подобрување на услугите што УЈП ги нуди на јавноста.