Иран во саботата се закани дека ќе го блокира коридорот договорен меѓу Ерменија и Азербејџан со посредство на американскиот претседател Доналд Трамп, објавија иранските медиуми.
Предложениот од Трамп коридор за меѓународен мир и просперитет (TRIPP) би поминувал низ јужна Ерменија, давајќи му на Азербејџан директен пристап до неговата енклава Нахичеван и Турција. САД би имале ексклузивни права за развој над коридорот, а Белата куќа тврди дека тоа би поттикнало поголем извоз на енергија и други ресурси.
Не е јасно како Иран, кој граничи со областа, би можел да го блокира проектот , но изјавата на Али Акбар Велајати , врвен советник на врховниот лидер на Иран, покрена прашања за неговата безбедност, според Ројтерс.