За три минути во пожар може да изгори цела соба.
„Во моментов се гледа дека запален е само креветот и ќе видиме тука дека за неполни три минути ќе имаме целосно палење на просторијата каде што е највисокиот стадиум на пожарот“, вели Бобан Трпковски.
Деновиве пред 40 години на стадионот Бредфорд Сити во пожар загинаа 56 лица, а над 265 повредени.
Ми кажавте дека стадион може да изгори за 7 минути?
„5 до 7 минути“.
Што треба да направиме во вакви моменти?
„Во вакви моменти тешко е да се направи нешто искрено…“
„Можеби најдобро е да се остане присебен…“
„Да, да се остане присебен и што побрзо да се евакуира“.
„Евакуацијата е меч со две острици. Затоа што кога би имале слободен пристап до скали за евакуација тоа е во ред, но доколку се евакуираме по скали по зграда, обично тие први се задимени, затоа што се јавува ефект на оџак и доколку ние пробаме да се евауираме по скали, секогаш сме жртви“.
Искусните пожарникари проблемот го гледаат кај недоволната едукација.
„За жал едукацијата на граѓаните во Македонија е на многу ниско ниво. А сега во моментов дојдовме во состојба да е на најниско ниво“, вели Костадин Поповски.
При изградба на објекти потребно е да се внимава на материјалите кои ќе се користат, особено на вратите кои треба да издржат оган до два часа.