На новинарско прашање дали сега во оваа ситуација имаше потреба од изградба на модуларни болници, Венко Филипче кажа дека да не биле тие, немало да се изменаџира кризата, и дека сите земји го применуваат тој модел.
„Ова е модел без кој не само ние, туку и другите земји можеа да ја менаџераат кризата. Нема модел со кој што може да се направат толку многу болнички кревети за кратко време. Имавме обезбедено 700 кревети за 2 месеци и имаше каде да смесутваме пациенти што беше важно. Алтернатива беше италијанско сценарио каде што луѓето беа заглавени во автомобилите за итна помош и пред болниците и не можеа да се сместат.
И тоа е пример во целиот свет, каде се поставуваа модуларни болници. Преземавме мерки ги задолживме сите директори каде има модуларни болници да бидат проверени сите инсталации, струја, канализации, и сите потврдија дека се е во најдобар ред. Сега во овој бран има огромен број пациенти кои се лечат таму.“, кажа Филипче.