Филипче со поддршка за Заев: Мора да продолжиме по овој пат и мудро да градиме пријателства

Министерот за здравство, Венко Филипче се огласи на „Фејсбук“ по повод последните случувања во земјава, и интервјуто на Зоран Заев за БГНЕС кое предизвика лавина реакции од јавноста.

Филипче ги поддржа политиките на Заев во изминатите три години, и напиша дека треба да продолжиме по овој пат и мудро да градиме пријателства.

„Премиерот Зоран Заев во изминатите три години донесе низа тешки, но целосно исправни одлуки со кои ја обезбедивме иднината за нашата земја. Тоа што тој и тимот го постигнаа во сите досегашни преговори, како и напредокот кој го направивме во ЕУ интеграциите се за најголема почит. Мора да продолжиме по овој пат и мудро да градиме пријателства штитјеќи ги нашите интереси и напредувајќи кон Европската унија. Досегашните политики на отвореност и дијалог решија децениски спорови и така мора да продолжиме“, напиша Филипче.