По вчерашниот проблем, Google сè уште има проблеми со услугите и апликациите. Овој пат, корисниците на Gmail имаат проблеми, а најмногу се погодени САД и делови од Европа.
Многу корисници не се во можност да пристапат до нивната пошта, и ако се обидат да испратат е-пошта, тие добиваат порака дека внесената адреса не постои.
За потсетување, голем број на услуги и апликации на Google, вклучувајќи ги Gmail, YouTube, Google Search, Google Meet, Google Hangouts и продавницата за апликации Google Play Store, вчера престанаа да работат нешто пред 13 часот.
Застојот најмногу ги погоди земјите од Западна и Централна Европа, а проблеми беа забележани и на источниот брег на САД, во јужните делови на Азија и делови на Австралија, објави веб-страницата Downdetector.
Кратко по 13:30 часот, апликациите на Google постепено почнаа да се враќаат во функција, иако сè уште не работеа со полн капацитет.