Најдобриот светски тенисер Новак Ѓоковиќ даде ексклузивно интервју за британскиот Би-Би-Си, во кое конечно зборуваше за вакцинацијата и за сето она што се случувало во Австралија.
Новак напомена дека не е антиваксер и дека нема ништо против вакцините, но дека ја поддржува слободата што треба да ја има секој поединец.
Говорејќи за новинарот на Би-Би-Си, Ѓоковиќ кажа реченица која на многумина им отиде „под радар“.
„Мојот ум е отворен кога станува збор за можноста да бидам вакциниран во иднина бидејќи сите се обидуваме да го најдеме најдоброто решение кога е во прашање борбата против Ковид“ – рече Ѓоковиќ и со тоа индиректно истакна дека не е експлицитно против кога станува збор за вакцинирање, но потоа додаде:
„Повторувам, никогаш не сум бил против вакцинација и се надевам дека многу брзо сите ќе го видиме крајот на овој вирус. Се трудам да го задржам умот отворен бидејќи сите се трудиме да го најдеме најдоброто можно решение. Никој не сака да биде во оваа ситуација во која колективно сме веќе две години. Јас сум дел од глобален спорт кој се игра секоја недела на различни локации. Ги разбирам последиците од мојата одлука. Една од последиците е што не одам во Австралија, бев подготвен на тоа. Разбирам дека тоа што не сум вакциниран денес значи дека не можам да патувам на повеќето турнири“.
Новинарот на Би-Би-Си, Амол Рајан, не можеше да разбере дека Новак е подготвен да ги пропушти големите турнири кои следат само за да не биде принуден да се вакцинира.
@amolrajan : Ultimately, are you prepared to forego the chance to be the greatest player that ever picked up a racquet, statistically, because you feel so strongly about this jab?’#Djokovic : Yes.@amolrajan : Why, Novak, Why ?😂
— Kartheek (@karth__k) February 15, 2022
📽️: @BBCNews pic.twitter.com/xn4s377Wr0