Големиот пожар што синоќа избувна во кругот на поранешниот „Декортекс“ во Радовиш е целосно изгаснат по повеќе од шестчасовна интервенција, информираа од ТППЕ Радовиш. Во пожарот биле зафатени магацински простории и машини.
За време на интервенцијата, неколку пожарникари вдишале чад и добиле полесни изгореници, но според информациите од надлежните, сите се во добра здравствена состојба.
Во гаснењето учествувале екипи на ТППЕ Радовиш, а помош пристигнала и од пожарникари од Струмица, како и од Доброволното противпожарно друштво од Конче.
Надлежните служби веќе извршуваат увид на терен, а причините за избувнувањето на пожарот дополнително ќе се утврдуваат.