Пожарот што избувна во текот на ноќта во Шуто Оризари зафатил неколку дуќани во монтажен објект, но брзата интервенција на пожарникарите спречила огнената стихија да се прошири кон околните објекти.
Пожарникарските екипи успеале навреме да го локализираат пожарот и да спречат негово понатамошно ширење.
Причините за избувнувањето, како и евентуалната материјална штета, се очекува да бидат утврдени по завршувањето на увидот што треба да го извршат екипи на Министерството за внатрешни работи.