Жителите на Скопје ќе можат да се движат во ноќните часови без да стравуваат. Град Скопје, и покрај енергетската криза, не планира да ги изгаси светлата на уличното осветлување. Ова го изјави градоначалничката на Град Скопје, Данела Арсовска.
Арсовска вели дека откако е најавена енергетската криза, градот почнал со намалување на интензитетот на уличното осветлување на улици и булевари кои се под негова надлежност.
Со цел штедење електрична енергија, Градот Скопје воведе краткорочни, среднорочни и долгорочни мерки и истите им ги предлага на јавните претпријатија и институции кои се во надлежност на Градот. Мерките за штедење струја стапуваат на сила од 1 септември и ќе важат до 31 март 2023 година.